На кечерски настан во Калифорнија дојде до шокантен и брутален инцидент кога Раџа Џексон, синот на славниот ММА борец Квинтон „Ремпејџ“ Џексон, физички нападна и претепа еден од учесниците, Стјуарт Смит, познат на публиката како Сајко Сту.

Инцидентот се случил откако Сту, погрешно идентификувајќи го Раџа како дел од програмата, пред настанот го удрил со конзерва во главата. Подоцна, откако сфатил дека направил грешка, Сту се извинил и двајцата се договориле дека Џексон ќе влезе во рингот само симболично, со техника на соборување, без понатамошно насилство. Сепак, ситуацијата не се одвивала според договорот.

Снимките од настанот покажуваат дека Џексон, воден од гневот и желбата за одмазда, брутално го собори Сту и продолжи да го удира повеќе од 20 пати додека тој лежеше во несвест и тоа додека го стримаше настанот во живо. На социјалните мрежи оваа сцена предизвика бран реакции, при што многумина го нарекоа нападот „обид за убиство“.

Raja Jackson committed murder on livestream. what a fkn disgusting monster. there’s NO excuse for that. I’m sick to my stomach.

my thoughts and prayers go out to Stewart Smith (Syko Stu) and his family.
https://t.co/yjA5ygp4Ar https://t.co/fwiMxAaPZE

— 𝕸𝖔𝖓𝖆𝖗𝖈𝖍𝖔 (@_monarcho) August 24, 2025

Состојбата на Сајко Сту првично изгледаше критично, но најновите информации се охрабрувачки. Според неговиот колега Даглас Мело и братот на Сту, борецот моментално е во стабилна состојба и се наоѓа на интензивна нега.

„Претрпе неколку скршеници на лицето и изгуби повеќе заби“, изјави Мело. Братот на Сту додаде дека приоритет сега е неговото закрепнување, и упати благодарност до сите кои испраќаат поддршка.

Истрагата за инцидентот е во тек, а јавноста бара одговорност за ваквиот чин на насилство.

 

View this post on Instagram

 

A post shared by HOME OF FIGHT (@homeoffight)