Денеска излегоа информации дека Светислав Пешиќ веќе не е селектор на кошаркарската репрезентација на Србија.

Раководството на Кошаркарската федерација на Србија наводно прво донело одлука да се раздели со селекторот по елиминацијата во осминафиналето на Европското првенство, а потоа тој бил информиран за одлуката.

И воедно се предвидува дека нов селектор на најдобрите српски кошаркари ќе биде Душан Алимпијевиќ.

Нема никаква потврда од тамошната федерација која веднаш ги демантираше ваквите написи.

За време на неговиот втор мандат како селектор на Србија, прв по независноста, Пешиќ ја предводеше репрезентацијата до олимписка бронза во Париз и светско сребро во Манила. На Европското првенство, тој беше елиминиран двапати во осминафиналето, прво од Италија во 2022 година, а сега од Финска во Рига.