Има само 17 години, но веќе го дефинираат како фудбалски „вундеркинд“, дел од У17 англиската репрезентација.

17-годишниот Џуд Белингем кој досега ги бранеше боите на Бирмингем сити денеска е промовиран како нов играч на Борусија Дортмунд со долгорочен договор.

Hey Jude ? pic.twitter.com/SyjizjOQOl

— Borussia Dortmund (@BlackYellow) July 20, 2020

„Милионерите“ за услугите на овој играч од средниот ред платија 25 милиони евра. Имаше и опција да остане во Англија, откако интерес за него покажа и Манчестер јунајтед.

На 16 години и 38 дена беше најмладиот кој настапи за првиот тим на Бирмингем сити. За Бирмингем имаше 43 настапи со четири голови и три асистенции, а за У17 репрезентацијата на Англија запиша три натпревари и два погодоци.

Според најавите на 10 август ќе им се придружи на своите нови тимски колеги во Швајцарија кога почнуваат подготовките за новата сезона.