Француското обвинителство денес и официјално отвори истрага против фудбалерот на ПСЖ, Ашраф Хакими кој е обвинет за силување.

Обвинителството во својот извештај наведе дека Хакими во текот на вчерашниот ден бил сослушан во склоп на истрагата. Против него е отворено обвинение и засега е под судски надзор. Хакими денес тренираше со својот тим, а неговата адвокатка Фани Коли истакна дека обвинувањата се лажни.

На репрезентативецот на Марока му е забрането да ја контактира 24-годишната девојка која го пријави во полиција дека ја силувал во неговиот дом.

ПСЖ се уште не се огласил за овој случај, а во понеделникот кога и првпат се појавија овие информации фудбалерот присуствуваше на ФИФА церемонијата каде што беше избран во идеалниот тим на годината.