Денеска пред судот ќе сведочи Александар Ѓорчевски, таткото на убиената Вања Ѓорчевска, на кого му се суди за помагање во киднапирањето на неговата убиена ќерка. Тој ќе биде испрашуван од страна на обвинителките Ана Стојковиќ и Жаклина Јосифовска, кои ќе се обидат да го докажат обвинението, според кое токму тој им дал информации кога неговата ќерка оди сама на училиште.

На минатото рочиште, тој се изјасни за невин во случајот за киднапирањето и убиството на неговата ќерка и на велешанецот Панче. Исто така рече дека не ги познавал другите осомничени.

Во неговото прво емотивно обраќање пред судот, раскажа за денот на киднапирањето на Вања, за тоа како почнале да ја бараат со неговата поранешна сопруга, па се до денот на нејзината смрт и апсењето. Раскажа дека почнал своја приватна истрага, а дека полицајци го тепале и го терале да признае дека е вмешан во делото.