Од Основното јавно обвинителство Скопје известуваат дека е поднесен обвинителен предлог против фирма од Косово и нејзиниот управител за криумчарење чорапи преку граничниот премин Блаце.

Имено, на 16 јануари на граничниот премин Блаце, обвинетиот косовски државјанин се обидел да избегне царинска контрола, така што во камионот со кој пренесувал стока за правното лице, биле пронајдени вкупно 48.000 пара чорапи за кои не постоела соодветна документација и не биле наведени во царинската декларација.

Царинските службеници при проверка ја пронашле и ја одзеле непријавената роба во вкупна вредност од 365.280 денари или околу 6.000 евра.