Обложувалниците го кажаа своето, кој прв добива отказ во Премиер лигата?
Денеска од 21.00 часот со дуелот помеѓу Манчестер јунајтед и Ливерпул завршува третото коло во Премиер лигата.
Препорачано
-
1
-
2
-
3
Иако ниту „црвените ѓаволи“ ниту „црвените“ од Енфилд не ја започнаа новата сезона на најдобар начин, сепак можниот вечерашен пораз нема да влијае на понатамошните судбини на менаџерите Ерик Тен Хаг и Јирген Клоп.
Извесен период обложувалниците предвидуваа дека Стивен Џерард или Френк Лампард би можеле први да бидат сменети, но сега има нов најголем кандидат кој би можел да биде првиот оваа сезона што ќе го вкуси отказот.
Станува збор за стратегот на Лестер сити, Брендан Роџерс, поранешниот менаџер на Ливерпул и Селтик го презеде Лестер пред четири години, но моменталната ситуација е доста лоша. Лестер има само еден бод од три одиграни кола, додека ситуацијата дополнително ја комплицираат извесните заминувања на Фофана и Тилеманс.
„Лисиците“ ги чекаат два тешки меча по поразот од „светците“. За пет дена патуваат кај Челси, а потоа и кај Манчестер јунајтед на 1 септември. А пред тие дуели Лестер во вторник има натпревар во Лига купот на гости кај Стокпорт каунти.
