Новозеланѓанец ќе добие рекордна отштета од речиси пет милиони новозеландски долари или 2,7 милиони евра бидејќи невино поминал вкупно 19 години во затвор, соопшти владата на таа островска земја.

Во 1986 година, Алан Хол бил осуден за убиство на Артур Истон и ранување на неговиот син Брендон и добил доживотна казна затвор. Вкупно 19 години бил во затвор, а другите години ги поминал во домашен притвор. Минатата година му била укината казната.

Владата се согласила да му плати 4.933.725 новозеландски долари како компензација за сите тие години зад решетки, рече министерката за правда на Нов Зеланд, Дебора Расел.

„Признавам дека извинувањето и компензацијата никогаш нема целосно да ја исправат погрешната грешка што ја претрпе г-дин Хол. Но, се надевам дека ќе му помогнат колку што можат“ рече Расел.

Семејството Хол објави дека најважно е владата да ја признае неговата невиност, но нагласи дека неговата мајка, Ширли, не успеала да го доживее тоа.

„Алан имаше 24 години кога беше уапсен. Сега има 61 година. Со денешното соопштение, Алан може да се фокусира на она што му се ускратува со децении – градење на својот живот како слободен човек“, додаваат во соопштението.