Во мала семејна фарма во регионот на Карбинци, поточно во одгледувалиште во Крупиште има ново жариште на Африканска свинска чума.

– Последно жариште што е потврдено вчера е во регионот на Карбинци, поточно станува збор за мало фамилијарно одгледувалиште со десеттина свињи во Крупиште. Тоа е во регион од 10 километри од претспоследното жариште во село Таринци, каде што со депопулацијата од сите категории на свињи беа уништени 8.514 единки. Во однос на новото жариште ќе се преземат сите мерки кои важат за радиус од три и од 10 километри, така што се исцртува нова мапа. Со мерките, пред се, во самото жариште и во контактните одгледувалишта ќе се изврши депопулизација на домашните животни- изјави Николче Бабовски, директор на Агенција за храна и ветеринарство во видео – интервју за „Слободен печат“, кое ќе имате можност да го погледате.

Во интервјуто Бабовски зборува за мерките што се спроведуваат за сузбивање на Африканската свинска чума, но и за тоа колку од сите нас зависи справувањето со оваа болест која не е опсана за животните, но која може да донесе големи економски загуби.