Новосадската компанија „СОС такси“ соопшти дека отпуштила од работа двајца возачи кои се обидоа да поминат низ протестната блокада за време на кампањата „15 минути молк“.

„СОС такси, како и досега, ги поддржува сите граѓани и студенти и целосно се оградува од несовесното однесување на двајцата „колеги“ кои штотуку беа отпуштени од „СОС такси“ поради ваквото однесување за време на блокадата. Сè уште сме со вас и нашите студенти со целосна поддршка“, соопшти компанијата.

Оттаму додаваат дека не се во можност да го следат однесувањето на секој член и неговиот однос кон оддавањето почит за жртвите во уривањето на настрешницата на Железничката станица во Нови Сад.

„Затоа искрено ве молиме секогаш да ни укажувате на поединци кои самоволно не ја почитуваат оваа форма на солидарност со сите наши граѓани“, велат од здружението.