Луѓето не веруваат на институции, затоа и не излегуваат на протести, истакнаа малкуте насобрани пред Владата, кои протестираат за случајот „Oнкологија“.

Веќе еден месец се одржуваат протести секој понеделник, откако Обвинителството отвори предистрага по пишувањето на медиуми за разработена криминална бизнис мрежа на Клиника за онкологија за препродавање на лекови, односно дека во оваа шема биле вклучени повеќе доктори и медицински персонал на клиниката.

Манев Славољуб, еден од присутните на протестот изјави дека не верува оти новоформираната собраниска Комисија ќе го реши случајот.

-Од тоа нема ништо да биде, не верувам во тие приказни, затоа што јас еве на десното око воопшто не гледам, заради обично перде ме оперираа во „8 Септември“, се формира комисија, докторот дојде ја призна вината пред суд, а комисијата рече нема грешка за да не одговара кривично. Исто така, и лекарската комора го чуваше предметот четири години за да застари делото, така да и со оваа комисија сега јас не верувам дека нешто ќе се случи, ова е страшно. Помладите нека си наоѓаат некое чаре, моето поминало, туку за нив што ќе биде, истакна тој.

Ајаноски Ташко посочи се осврна на се помалата заинтересирност за протестот, истакна дека луѓет не излегуваат на протести затоа што не веруваат во институциите.

-За тие граѓани кои не ги интерерсира политика сакам да им порачам едно, само да ги потсетам дека квалитетното здравство, воздухот што го дишеме, стандардот што се повеќе и повеќе ни се снижува, се е до политичката волја на елитите, порача друг протестант.

На претходниот протест кој, исто така се одржа пред Влада организаторите порачаа дека нема да дозволат сознанијата од Онкологија да се заборават.