Принцот Хари  испратил „непријатна“ и „заповедничка“ порака до  д-р Софи Чандаука  на „Сентебале“ откако таа одбила јавно да ја одбрани Меган поради скандалот кој се случил на поло-натпреварот.

Како што пренесува „Дејли мејл“, шефицата го обвинила Хари за пораката во која ѝ барал да „објасни“ зошто одбила јавно да ја брани неговата сопруга.

Инцидентот е поврзан со непријатен момент снимен на видео од хуманитарен поло натпревар во Флорида во април 2024 година. На видеото јасно се гледа како Меган Маркл ја потргнува д-р Чандаука од нејзиниот сопруг за време на доделувањето на трофејот, што привлече значително медиумско внимание и беше прегледано од милиони луѓе.

Д-р Чандаука изјавила дека принцот Хари, преку неговиот тим, побарал од неа „да објави некој вид на изјава за поддршка“ за Меган со цел да ги отфрли сите гласини за тензијата меѓу нив.

Но, сега се тврди дека самиот принц Хари наводно и испратил порака во која и побарал да му „објасни“, кога шефицата на „Сентебале“ одбила да биде вплеткана во каква било расправија.

Што се случувало на сцената?

Пораката имаше „непријатен“ тон и користеше „заповеднички“ јазик, што ја вознемири д-р Чандаука, рекол истиот извор.

Нејзиното одбивање јавно да ја поддржи Меган директно придонесе за жестокиот спор што кулминираше со отказот на Хари од добротворната организација за деца што ја основаше пред речиси 20 години за да ја направи својата мајка горда.

Портпаролот на „Сентебале“, наводно, потврдил за медиумите дека војводата од Сасекс ја испратил пораката. „Дејли мејл“ побара коментар од добротворната организација, додека портпаролот на принцот Хари одби да коментира.

Хари го основал „Сентебале“ во 2006 година, но, минатата недела тој се повлече, изјавувајќи дека „односот меѓу управителите на добротворната организација и претседателот на одборот непоправливо се распадна“.

Д-р Чандаука го обвини Хари, меѓу другото, за „вознемирување и малтретирање од големи размери“.

Таа додаде: „Она што сакаше да го направи принцот Хари е да ме исфрли од организацијата и тоа траеше со месеци. Имам документација.

Од видеото можело да се види како од докторката Чандаука се бара да се помести на друго место, инсистирајќи Меган да биде во средината на толпата покрај нејзиниот сопруг. Неколку моменти претходно, Меган го бакнала својот сопруг за да ја прослави неговата победа.

Во видеото од април 2024 година, д-р Чандаука, кој стоеше од десната страна на војводата, двапати била замолена од Меган да се премести на нејзината лева страна подалеку од Хари, додека тој ја држел раката на неговата сопруга.

Исто така, Меган предизвикала „метеж“ и огромен проблем на сцената откако на кратко се појавила и ја донесе својата позната пријателка Серена Вилијамс, тврди шефот на добротворната организација на Хари.

Кралскиот експерт Ричард Фицвилијамс рече дека неочекуваното појавување на Меган на настанот „предизвикал конфузија“, опишувајќи го инцидентот меѓу војвотката и д-р Чандаука на сцената како „непријатен“.

„Меган не ја очекуваа на натпреварот поло во 2024 година и тоа предизвика конфузија и хаос“, објасни тој.

„Таа одби да даде изјава за поддршка на Меган, а меѓу нив се случи непријатен инцидент“, завршил тој.