Новата ера во Астон Мартин започна, Њуи ќе дизајнира за 89.000 фунти на ден
Њуи е легендарен дизајнер. Неговата статистика сама по себе зборува – освоени 13 шампионски титули за возачи и 12 титули за конструктори во три тима
Легендарниот дизајнер на автомобили во Формула 1, Адријан Њуи (66) започна со работа во тимот на Астон Мартин, соработка од која тимот очекува неговите автомобили да станат конкурентни за светската титула.
Препорачано
Њуи е легендарен дизајнер. Неговата статистика сама по себе зборува – 13 шампионски титули за возачи и 12 титули за конструктори во три различни тима во кариерата во Ф1, која навистина тргна од 1988 година.
Во Астон Мартин го знаат тоа и го ангажираа уште во септември, а од вчера тој почна и да работи во тимот. Неговата плата е астрономска, поголема од онаа на најплатените возачи.
Ова е дизајнерското студио на Њуи во Астон Мартин:
See you tomorrow, Adrian. pic.twitter.com/uulhMEQNAl
— Aston Martin Aramco F1 Team (@AstonMartinF1) March 2, 2025
Според неофицијални информации, Њуи ќе добива 30 милиони фунти по сезона, што е 2,5 милиони месечно или 89.000 фунти дневно.
Њуи во Астон Мартин дојде по повеќе од една деценија работа кај Ред Бул каде земаше трипати помала плата.
Вистинскиот ефект од работата на Њуи се очекува дури од сезоната 2026, кога на сила ќе стапат новите правила во Формула 1. Но тој ќе помага и за автомобилите на Астон Мартин сезонава, иако не се очекува овој тим да биде конкурентен за титула годинава. Возачи се Фернандо Алонсо и Ланс Строл.
Adrian Newey speaks for the first time since joining Aston Martin ? pic.twitter.com/dnvT2yYAaH
— Sky Sports F1 (@SkySportsF1) September 10, 2024
Првпат од 2019 година, отворањето на сезоната ќе се одржи во Мелбурн на Големата награда на Австралија од 14 до 16 март.
Во календарот на Ф1 за 2025 година има 24 настани, исто толку како и минатата година, а сезоната завршува на Големата награда на Абу Даби на 5-7 декември.
Фернандо Алонсо: Сезоната во Формула 1 ќе биде изедначена, ќе биде тесно првенство
