Во нов случај на успешно изведената измама со телефонски повик од лажен полициски инспектор и наводна сообраќајна несреќа, 88-годишна жена од Скопје останала без 1.800 евра, соопшти МВР.

„На 27.05.2025 во 15:30 часот во СВР Скопје, 88-годишна жена од Скопје пријавила дека околу 10 часот била измамена од едно лице за сума од 1.800 евра. Според пријавеното, машко лице ѝ се јавило телефонски и ѝ кажало дека нејзината ќерка предизвикала сообраќајна несреќа во која прегазила дете и доколку не сака таа да лежи во затвор требало да плати. Како што е пријавено, таа парите ги оставила на договореното место, а откако се слушнала со нејзината ќерка сфатила дека била измамена. Се преземаат мерки за расчистување на случајот“, велат од полицијата.