Во контекст на формирање на потенцијална „нова партија“ се вртат имињата на поранешниот заменик-министер за образование во претходната влада на СДСМ, Петар Атанасов и кумановскиот градоначалник Максим Димитриевски, како и на раководители разрешени поради контрирање на Владата. Во албанскиот политички блок најавено е формирање на нова партија наречена Европско граѓанско движење.

Градоначалникот на Куманово, Максим Димитриевски за „Слободен печат“ вели дека за него во моментов приоритет се општинските проблеми, но додава дека за понатамошните чекори ќе одлучи според препораките на граѓаните.

– Во моментов моите приоритети се имплементација на локалните проекти за подобрување на улсовите на моите сограѓани и реализиација на програмата ЗА НАШЕ КУМАНОВО. Моите понатамошни политички ангажмани ќе зависат од препораките кои ќе ги примам од граѓаните, кои ми ја дадоа довербата на овие избори со приоритет на заштита на државните и националните интереси, изјави Димитриевски.