Нов земјотрес со јачина од 6,2 степени го погоди Авганистан, во момент кога бројот на жртви од разорниот потрес во неделата се искачи на повеќе од 2.200 лица, објави Гардијан.

Според Центарот за геонауки „Хелмхолц“ во Германија, потресот се случил во југоисточните региони во четвртокот навечер. Засега не е јасно колкава е штетата.

Земјотрес со јачина од 5,5 степени како последователен потрес го погоди регионот во вторникот, предизвикувајќи паника и прекинување на спасувачките операции, бидејќи повеќе патишта беа блокирани од одрони.

Портпаролот на Талибанците, Хамдулах Фитрат, во четвртокот потврди дека бројот на загинати од земјотресот со јачина од 6,0 степени во неделата се искачил на 2.205 – што е значително повеќе од претходните процени од 1.400 и го прави еден од најсмртоносните природни катастрофи што ја погодиле земјата во последниве децении.

Уште еден земјотрес во Авганистан, се стресе местото каде што загинаа најмалку 1.400 луѓе