Во дворот на основното училиште „Ацо Шопов“ во населбата Радишани ќе се гради нов спортско-рекреативен центар на површина од 5000 метри квадратни.

Ова е место на кое во минатото пораснаа многу генерации, многу ученици и деца своето време го поминуваа на овие игралишта, но за жал изминатите години беа целосно запуштени и уништени – вели градоначалникот на Општина Бутел, Дарко Костовски.

Тој информира дека во рамките на спортско рекреативниот центар „Радишани” ќе биде изградено модерно фудбалско игралиште со вештачка трева, нова метална ограда и ново лед осветлување. Покрај тоа ќе има и баскет игралиште со специјална подлога , потоа ново детското игралиште со нови реквизити и мека подлога, ќе се реконструира фитнес зоната за вежбање и рекреирање, а на просторот ќе има и нови зелени површини, пешачки патеки, нова урбана опрема, како и ново лед осветлување.