Британската министерка за здравство Жилијан Киган денеска и се извини на јавноста, бидејќи продолжила да учествува на еден состанок, откако била информирана дека е позитивна на ковид-19, пишува Би-Би-Си.

Министерката Киган на Твитер напиша дека на средбата со тројца татковци кои трагично ги загубија ќерките поради самоубиство, била известена дека е позитивна на ковид и дека веднаш ги известила своите соговорници.

When I was told my test was positive I was listening to three fathers who had tragically lost their daughters to suicide. I told them the result and took further precautions but with their consent, I stayed for a short period to hear their stories. 2/3

— Gillian Keegan (@GillianKeegan) February 8, 2022

Но, со нивна согласност останав краток за да ги слушнам нивните приказни, напиша таа на Твитер.

Но, како што тврди таа, требало веднаш да ја заврши средбата и смета дека тоа и била грешка во проценката, поради што, како што вели, се извинува.

Сепак, јавноста имаше различни реакции на нејзиното извинување, некои ја осудија, а други и честитаа на нејзината искреност.

Британија со недели ја тресе скандал поради откритието дека се организирале забави во седиштето на владата во време кога цела земја беше во локдаун, а ова може да биде додатен притисок.