Индустриското производство во ноември бележи пад од 3,5 проценти во однос на истиот месец лани, соопшти Државниот завод за статистика.

Се намалува и бројот на работниците во индустријата – тој во однос на ноември 2024, минатиот месец бил понизок за 4%. Во периодот јануари – ноември 2024 година, пак, во споредба со истиот период од 2023, овој параметар бележи раст од 0,1 процент, соопшти ДЗС.

Бројот на работници во секторот преработувачка индустрија е намален за 4,7 отсто. Најголемо намалување на работната сила има во тутунската индустрија – 16,4 отсто, како и во текстилната и кожарската индустрија, каде што бројот на работници во компаниите за производство на облека е намален за 15,2 отсто, во фирмите за производство на текстил за 8,5 отсто, а во кожарската индустрија – за 11,7 отсто.