Најстарото дете на норвешкиот крал, принцезата Марта Луиз (51), следното лето ќе се омажи за самопрогласениот шаман Дурек Верет (48), објави семејството.

Кралот Харалд Петти рече дека неговото семејство е „воодушевено да го пречека“ Верет, кој е од Калифорнија и тврди дека е шаман од шестата генерација.

Парот, кој ја обиколи земјата во 2019 година на турнеја наречена „Принцезата и Шаманот“, предизвика бура во Норвешка со нивните алтернативни верувања.

Во изминатите неколку години, Марта Луиз рече дека може да разговара со ангели, додека Верет тврди дека комуницира со широк спектар на духови, практикува античка медицина и дека има медалјон што помага да се ослободи од тешка енергија, магии и темнина.

Свадбата ќе се одржи на 24 август во туристичкото село Гејрангер, ценето по типичниот норвешки пејзаж.

Норвешката државна телевизија НРК објави дека Верет ќе се пресели во Норвешка, но дека, иако ќе му се придружи на кралското семејство, нема да носи титула.

Иако принцезата Марта Луиз е првото дете на кралот Харалд Петти, наследник на тронот е нејзиниот две години помлад брат Хакон.

Норвешкиот Устав беше изменет во 1990 година за да се овозможи првороденото дете, без разлика на полот, да има приоритет во редот на наследување, но правилото не се применува ретроактивно.

Поради љубовта со самопрогласениот шаман, норвешката принцеза се откажува од кралските должности