Норвешка е најуспешна селекција на Зимските олимписки игри во Пекинг со освоени 37 медали, од кои 16 се златни.

Норвежаните освоија највеќе медали на Игрите во Пекинг (37), имаат и највеќе осовени златни одличка (16),  а имаат уште осум сребрени и 13 бронзени медали.

Веднаш зад Норвежаните се наоѓа Германија која освои 12 златни медали, а вкупно 27 одличја. Тие освоија уште 10 среврени и пет бронзени медали.

Русите освоија вкупно 32 медали по што се втори по вкупниот број на медали, но се дури деветти по освоени златни одличја. Русија освои шест златни медали, 12 сребрени и 14 бронзени медали.
Домаќинот на Игрите, Кина освои 15 медали, девет златни, четири сребрени и два бронзени, додека САД освои 25 медали од кои 10 златни.