Кога американскиот претседател Доналд Трамп суспендираше две програми кои обезбедуваат американска помош за меѓународните нуклеарни инспектори на почетокот на јануари, тој потенцијално ја загрози неговата цел да го спречи Иран да развие нуклеарен арсенал, пишува Њујорк Тајмс.

Иако една од двете програми подоцна беше обновена, последиците од овие одлуки, како што истакнува Њујорк тајмс, доведоа до опаѓање на довербата во напорите што овозможија со децении да се следи напредокот на Иран кон производство на нуклеарно оружје.

Во анализата се истакнува загриженоста на некои експерти дека овие пречки ќе ги одвратат професионалците да се ангажираат во областа на неширење на нуклеарното оружје и ќе ја комплицираат глобалната борба против ширењето на таквото оружје.

Додека МААЕ одбива да коментира намалувања на помошта, претставник на американскиот Стејт департмент, кој треба да ги финансира програмите, за Тајмс рекол дека националната безбедност на САД е врвен приоритет и оти „одредена американска помош за програмите кои ги поддржуваат напорите и способностите на Меѓународната агенција за атомска енергија за проверка на нуклеарните постројки низ светот, вклучително и во Иран, продолжуваат“.

Стејт департментот, сепак, не соопштува дали некоја од програмите е замрзната или прекината, пренесе Тајмс од Израел.