Светот влегува во ера на кардинални и револуционерни промени, рече рускиот претседател Владимир Путин на пленарната седница на Меѓународниот клуб за дискусија „Валдеј“ во Сочи.

Ништо повеќе нема да биде исто во светот, сведоци сме на формирање на нов светски поредок, во кој нациите се повеќе инсистираат на правдата и зачувувањето на нивниот идентитет, додека општествата ширум светот се изложени на големи предизвици.

„Живееме во време на најсложени процеси, каде светот влегува во фаза на голема трансформација“, рече рускиот претседател.

„Светската сцена се соочува со момент на вистината, а стариот поредок веќе е заменет со нова форма на глобален натпревар. Борбата не е само за моќ, туку и за принципите на односите меѓу државите и народите“ рече тој.