Најдобрата македонска тенисерка Лина Ѓорческа не успеа да ја круниса одличната форма со нов трофеј, откако денеска загуби во финалето на ИТФ турнирот во Букурешт. По голема борба која траеше два часа и 35 минути, Ѓорческа беше поразена од Австријката Лили Тагер со 1-2 во сетови (4-6, 6-3, 4-6).

Лина имаше своја шанса, особено во одлучувачкиот трет сет каде што двапати имаше брејк предност, прво водеше со 2-0, потоа и со 3-2, но не успеа да го задржи водството. При резултат 3-3 имаше две брејк-топки кои не ги реализираше, а во десеттиот гем, кога Тагер сервираше за победа при 5-4, македонската тенисерка одбрани три меч-топки, но не можеше и четвртата.

Ова беше трет последователен настап во финале за Ѓорческа, по турнирите во Куршумлијска Бања и Собосло, што е потврда за нејзината стабилна форма. Иако нема да влезе меѓу најдобрите 200 тенисерки на ВТА листата, Ѓорческа утре ќе забележи нов напредок во ранкингот.

Браво за Лина Ѓорческа: Македонската тенисерка го освои фјучрсот во Романија