Дефанзивецот Алфонсо Дејвис изгледа дека ќе ја продолжи кариерата во Баерн Минхен и ќе потпише нов договор со клубот, тврди Дејвид Орнштајн од Атлетик.

Ова се случува и покрај бескрајните шпекулации од мадридските изданија како Марка и Релево, кои постојано го идентификуваа канадскиот дефанзивец како сигурен играч на Реал.

Откако се покажа дека ова не е вистина, Дејвис ќе потпише договор до 2030 година, кој ќе биде за период од 4,5 години.

Планот на Баерн Минхен е 24-годишниот дефанзивец да го потпише новиот договор оваа недела.

Потсетуваме дека истите мадридски изданија тврдат дека преселбата на Трент Александер-Арнолд од Ливерпул во Реал Мадрид е 99 отсто сигурна.