Компанијата НИС спроведе истражување со дрон на бунарот и надземната инфраструктура на нафтеното поле Кикинда, како дел од подобрувањето на процесот на истражување и производство на нафта и гас. Овој метод овозможува поефикасно собирање на податоци од терен, кои се користат во геолошките истражувања и проектирањето на инфраструктурата.

Како што објави eKaпија, преку снимањето се добиени ортофотографии, дигитални модели на теренот, а податоците понатаму се користат за планирање на цевководи и објекти. Во овој случај, дронот ги замени класичните геодетски методи, со точност на мерење помеѓу 15 и 20 милиметри.

Технологијата ја применија вработени во Инженерскиот оддел на Научно-технолошкиот центар на НИС, кој планира да ја прошири оваа практика и на други локации. Според Александар Кнежевиќ, директор на ова одделение, снимањето овозможува побрза подготовка на проектната документација, а теренските снимки ја олеснуваат работата на проектантите без дополнителни патувања на терен. Тој го даде примерот за локација од 25 хектари, која е снимена за еден ден, што резултира со значителна заштеда на време, пишува Данас.