Македонскиот репрезентативец Никола Серафимов од денеска е ново засилување за бугарскиот гигант Левски. Дефанзивецот потпиша договор со клубот од Софија како слободен агент, откако му заврши соработката со унгарскиот Фехервар.

„Левски потпиша со Никола Серафимов. 26-годишниот дефанзивец стави потпис на договор до летото 2028 година“, соопшти клубот преку официјална изјава.

Серафимов ја започна својата кариера во Вардар, а подоцна настапуваше и за Пелистер, Брегалница и Академија Пандев. Во 2021 година замина во Унгарија, каде прво ги бранеше боите на ЗТЕ, а потоа и на Фехервар.

За македонскиот национален тим има досегао одигра 22 натпревари во кои постигна и еден погодок, а од него се очекува да внесе дополнителна стабилност во последната линија на Левски во претстојната сезона.