Германската автомобилска индустрија е во трескавичен пад: платите се намалуваат, фабриките се затвораат и работниците се отпуштаат. Но, тука не е крајот на проблемот – луѓето едноставно престанаа да купуваат германски автомобили. Илјадници нови возила седат во магацини и до една година, чекајќи ги купувачите. Фотографијата од воздух од логистичката локација на КАТ во близина на пристанишниот град Есен во Северна Рајна-Вестфалија покажува колку се лоши работите, објави Политика.рс. Речиси шест илјади нови скапи автомобили се паркирани на огромен простор на северот на Есен.

Оваа област веднаш до пристаништето на градот е претоварно место за автомобилите на најголемите производители на автомобили во Западна Германија. Но, никогаш во историјата на оваа логистичка компанија не се случило тука да нема доволно простор, пишува „Билд“.

„Никогаш не сум сретнал вакво нешто, а тука работам повеќе од десет години. Автомобилите само што пристигнуваат, но ретко кога заминуваат.“

Причината за трупање на нови автомобили е едноставн: никој веќе не сака да ги купува!

„Овде има многу автомобили кои се испорачани пред повеќе од шест месеци, сега имаме дури и нови автомобили кои седат овде повеќе од една година“, велат вработените.