Претседателот на Сојузот на стопански комори (ССК), Трајан Ангеловски, денеска во емисијата „Бизнис21“ на ТВ21 истакна дека ни требаат длабоки структурни реформи.

Како што вели тој, ова е непопуларен процес кај политичарите.

„На крајот на денот, за жал, пак завршува со голема непопуларност затоа што нема економски резултати, народот го гледа и затоа ги добиваме овие избори каде секогаш се гласа против. Мислам дека политичарите треба да проценат и треба да створат еден таков амбиент, без оглед која е политичката цена, да го направат најдоброто за оваа земја, па на крај на денот под услов никогаш да не бидат сфатени од гласачите“, рече Ангеловски.