Тренерот на шпанскиот фудбалски клуб Атлетико Мадрид, Диего Симеоне, не издвои ниту едно име во тимот на Барселона во пресрет на утрешниот полуфинален натпревар од Купот на Кралот меѓу двата тима. Мечот е закажан за утре од 21 часот и 30 минути на Монжуик.

Пишувавме за ситуацијата во редовите на Каталонците кои имаат проблеми со Ламин Јамал ​​и прашање е дали тој ќе игра.

– Нема да зборувам за секој противнички играч поединечно. Тие имаат играчи кои решаваат ситуации, добар напад и кој игра добро ги решава нивните проблеми – ја започна својата прес-конференција Симеоне на прашањето за Јамал.

Атлетико има многу тежок распоред во наредните недели. Сега Барса двомеч во Купот на кралот, па Реал во Лигата на шампионите…

–  Не знам кој тим повеќе ќе нѐ исцрпи бидејќи тие натпревари сѐ уште ги немаме одиграно – вели Симеоне.

На прашањето која е најголемата сила на Барселона во тимот, Аргентинецот беше директен.

– Нивната најголема сила е тренерот Ханси Флик. Тој има талент да им ги пренесе своите идеи и неговото доаѓање направи многу добро за Барса – рече Симеоне.