Граѓанските иницијативи од платформата „Независни заедно“ соопштија дека избрале кандидат за градоначалник во скопската општина Центар – поранешната претседателка на Државната комисија за спречување на корупцијата, Билјана Ивановска.

„Почитувани сограѓани, граѓанските иницијативи од Платформата „Независни заедно“, ја имаат честа да ја претстават истакната борка за правда и антикорупционерка и една од најреспектабилните јавни личности, Билјана Ивановска, како независна кандидатка за градоначалничка за Општина Центар“, соопшти платформата преку социјалните мрежи.

Ивановска е поддржана од иницијативите „Шанса за Центар“, „Зелените за Гази Баба“ и граѓанската иницијатива „Групација 398“.
Таа ќе одржи прес-конференција за објавување на својата кандидатура на просторот пред фонтаната „Лотус“ на влезот во Градски Парк утре во 09:30 часот, соопштија од „Независни заедно“.