Конфедерацијата на синдикални организации денеска заедно со Независниот синдикат на полицијата одржаа протест, кој започна како поворка од автомобили кои минаа низ центарот на Скопје и завршија пред Владата.

Од Независниот полициски синдикат истакнаа дека протестот е резултат на незадоволството кое владее кај вработените во МВР, во Министерството за правда и Шумската полиција, од Колективниот договор потпишан во мај, со кој правата на овие вработени, како што велат тргнале по надолна линија.

-Не случајно го одбравме овој датум, сите знаеме што значи 30 години независност и тоа е свечен момент. Не можам да сфатам како после 30 години работникот е доведен до овој степен. Затоа од овде праќаме апел и ќе пратиме уште еден допис да бидеме примени од премиерот и само со него сакаме да разговараме и да ги образложиме нашите ставови, порачаа учесниците на протестот.

Oд Конфедерацијата се заканија дека доколу бидат игнорирани ќе донесат и други мерки за делување, без разлика што е предизборие.

Извор: МИА