Обилните врнежи од дожд поплавија делови од Словенија и од Хрватска, а неколку улици и патишта во регионот на Копер во делови се непроодни.

„Метео Словенија“ соопшти дека на некои места веќе наврнале повеќе од 150 милиметри дожд. Притоа, најмногу дожд имало помеѓу словенечка Истра и внатрешноста.

Истовремено, и во Загреб се слеале обилни врнежи, проследени со грмотевици и налети на северозападен ветер. Три региони во Хрватска, Книн, Риека и Сплит, се под црвен метео-аларм, а остатокот од земјата е во портокалова зона поради можноста за невреме.