Една Хрватка била изненадена откако се вратила дома со компири купени во „Интерспар“. Како што јавува здружението на потрошувачи „Ало, инспектор“ на својата фејсбук-страница, таа купила и огромен камен тежок речиси половина килограм во пакување компири од три килограми!

„Овој пат не можевме да одолееме да го објавиме вистинскиот „капиталист“ меѓу „камените компири“ спакувани од Тилзит д.о.о. Кооперација Шашиновец, а го продава Спар под нејзиниот бренд „Вртови Хрватске“. Госпоѓата го „купи“ тој прекрасен „камен компир“ од 480 гр во Интерспар Кукуљаново (Риека) заедно со обични компири во пакување од 3 килограми. Извинете, покрај 2,5 кг компири, бидејќи половина килограм е во – камен!?! И знаете што? Не е прв пат. Сè почесто ни кажувате како уредно наоѓате камења со различна тежина и големина во различни пакувања“, велат во „Ало инспекторе“.

Сè уште нема реакција од Интерспар за овој неверојатен случај, пишува Даница.хр.