Фудбалската репрезентација на Србија испадна од Европското првенство, и со два освоени бода го зазеде последното место во групата Ц.

Селекција предводена од Драган Стојковиќ – Пикси беше поразена од Англија во првото коло (1:0), потоа одигра 1:1 со Словенија и меч без победник и без голови со Данците во последното коло и остана без пласман во нок-аут фазата.

Неверојатен податок е дека Србија беше единствената репрезентација која беше поразена во групата „Ц“, односно од шест натпревари, пет завршија нерешено.

ЕП 2024
Група Ц, резултати

Словенија – Данска 1:1
Србија – Англија 0:1

Словенија – Србија 1:1
Данска – Англија 1:1

Англија – Словенија 0:0
Данска – Србија 0:0

Исто така, Србија е единствената репрезентација во историјата на европските првенства која го освоила последното место во групата со само два примени гола. Имаше и претходно репрезентации кои беа елиминирани со исто толку примени голови, но тоа беа репрезентации кои завршија на третото место во групата, во моментот кога двете најдобри одеа во нокаут фазата.