За време на посетата на Вашингтон, израелскиот премиер Бенјамин Нетанјаху му подари на американскиот претседател Доналд Трамп обичен и позлатен „пејџер“ во спомен на операцијата против Хезболах, пишува „Тајмс оф Израел“, повикувајќи се на Канал 12.

„Тоа беше одлична операција“, одговори Трамп. На Нетанјаху му подари фотографија од нивната средба и напиша: „На Биби, големиот лидер“.

Дмитриј Генделман, советник на кабинетот на израелскиот премиер, исто така потврди за ТАСС дека Нетанјаху му дал на Трамп два пејџера.

На 17 септември минатата година, точно во 15:30 часот, Мосад испрати кратка порака преку пејџер на арапски до илјадници борци на Хезболах во Либан и Сирија: „Добивте шифрирана порака“.

Кога милитантите на групата притиснаа две копчиња за да ја проверат шифрираната порака, се случија експлозии.

За помалку од една минута, Мосад од далечина испрати наредба за експлозија на илјадници други уреди, без разлика дали сопствениците одговориле на „шифрираната порака“ или не, пишува Вашингтон пост.

Следниот ден, на 18 септември, стотици воки-токи кои Мосад му ги доставуваше на Хезболах од 2015 година експлодираа на ист начин, убивајќи и ранувајќи борци на Хезболах и случајни минувачи.

Според либанското Министерство за здравство, во експлозиите на 17 и 18 септември загинаа најмалку 37 лица, меѓу кои и деца, а беа повредени околу три илјади луѓе.

Хезболах ја доби првата понуда за купување пејџери на Аполо во 2023 година.

На Хезболах  им  се обратила жена чиј идентитет и националност не се откриени.

Таа претходно беше претставник за продажба на Gold Apolo на Блискиот Исток, а потоа основаше своја компанија и купи лиценца за продажба на пејџери под брендот Apolo.

Хезболах му веруваше на овој продавач, истакнува Вашингтон пост.

Жената ѝ понудила на групата да купи серија издржливи водоотпорни пејџери, модел AR924, кои тежат помалку од 100 грама.

Израелски официјален претставник изјави дека жената контактирала со Хезболах и и објаснила на групата зошто овој пејџер е подобар од другите.

Официјалниот претставник додаде дека една од главните предности на AR924 е тоа што пејџерот „може да се полни со помош на кабел“ и  батеријта да држи напон со месеци без полнење.

Хезболах купи околу пет илјади пејџери и милитантите од среден ранг почнаа да ги добиваат во февруари 2024 година.

Меѓутоа, во батеријата била скриена помала количина на силен експлозив.

Пејџерите, според „Вашингтон пост“, имале процес на дешифрирање во два чекора што морало да се заврши за да се видат шифрираните пораки.

Постапката претпоставуваше дека повеќето корисници ќе го држат пејџерот со двете раце кога ќе се исклучи.

– За да ја прочитате пораката, требаше да притиснете две копчиња. Во пракса, ова значеше користење на двете раце“, изјави еден од изворите за „Вашингтон пост“.

Израел сметаше дека од експлозијата, милитантите речиси сигурно ќе бидат ранети во двете раце и „нема да можат да се борат“.

Користењето на пејџери уследи  поради паранојата на лидерите на Хезболах дека Израел ги следи преку мобилни телефони.