Израелскиот премиер Бенјамин Нетанјаху изјави дека го номинирал претседателот на Соединетите Американски Држави Доналд Трамп за Нобелова награда за мир.

Нетанјаху лично му предал на Трамп копија од неговото писмо до Комитетот за Нобелова награда во Белата куќа пред нивната вечера, велејќи дека номинацијата доаѓа како признание за „струдењето на Трамп кон мир и безбедност“, објави Еј-би-си Њуз.

„Тој создава мир токму сега, во една земја и еден регион по друг. Затоа, господине претседателе, сакам да ви го дадам ова писмо – номиниран сте за Нобелова награда за мир. Ја заслужувате“, рече Нетанјаху.

На вечерата во Белата куќа присуствуваа и американскиот секретар за одбрана Пит Хегсет и државниот секретар Марко Рубио.

Номинацијата доаѓа во време кога се преговара за предложен договор за прекин на огнот од 60 дена меѓу Израел и Хамас. Трамп минатата недела изјави дека Израел го прифатил предлогот, додека Хамас наводно испратил „позитивен одговор“ до медијаторите.