Најмалку 14 лица загинаа, а 18 се повредени во сообраќајна несреќа во западната турска провинција Баликесир. Несреќата се случила во близина на квартот Ердемита, каде се превртел патнички автобус што сообраќал на релација Измир – Зонгулдак, јавува Анадолија.

Единаесет лица загинаа на лице место, додека тројца повредени починаа на пат кон болница. Уште 18 лица се повредени и сите се згрижени во пет болници.

Во тек е истрага за причините за несреќата.