Трагична сообраќајна несреќа се случи на автопатот Мерида-Кампече во Јукатан во Мексико, во која загинаа 15 лица, а двајца биле повредени. Во несречата учествувале три возила – камион, автомобил и минибус што превезувал патници меѓу градовите. Според првите информации, по судирот дошло до превртување и пожар, а минибусот целосно изгорел, пренесува Индекс.хр.

Точната причина за трагедијата сè уште е непозната. Сè уште не е објавено дали несреќата е предизвикана од брзина, технички дефект, замор на возачот или услови на патот. Идентитетот на жртвите исто така не е официјално потврден.

Локалната полиција објави дека ќе ги објави првите резултати од истрагата штом ќе бидат достапни и апелираше до возачите да ги почитуваат ограничувањата и да бидат особено внимателни на овој сообраќаен коридор.