Непознати хакери успеале да го „пробијат“ личниот мобилен телефон на шефицата на кабинетот на Белата куќа, Сузи Вајлс, и го користеле нејзиниот телефонски именик за да контактираат со високи американски функционери и да се претстават како неа, велат извори за Си-Би-Ес Њуз.

Некои од примателите препознале дека нешто не е во ред бидејќи повиците и пораките доаѓале од непознат број, а лицето кое се претставило како Вајлс побарало комуникацијата да продолжи на друга платформа – како што е Телеграм, велат изворите. Инцидентот и започнувањето на федерална истрага првпат беа објавени претходно од Вол Стрит Журнал.

„Белата куќа ја сфаќа сајбер безбедноста на сите вработени многу сериозно, а овој случај останува под истрага“, изјави портпаролот на Белата куќа за Си-Би-Ес Њуз како одговор на прашањата за инцидентот.

Директорот на ФБИ, Кеш Пател истакна дека сите закани кон претседателот и неговиот персонал ги сфаќа сериозно.

„ФБИ ги сфаќа сите закани кон претседателот, неговиот персонал и сајбер безбедноста исклучително сериозно; заштитата на способноста на нашите функционери да комуницираат безбедно е клучна за исполнување на мисијата на претседателот“.

Според изворите, сомнителните пораки се појавувале во поштенските сандачиња на примателите во неодреден временски период.

Последно, Вајлс им кажала на своите колеги дека нејзиниот телефон бил хакиран.