Немири во Белгија: Демонстрантите ги демолираат и палат статуите на кралот Леополд II (ВИДЕО)
Белгискиот крал Леополд II го сметаат за одговорен за убиството на повеќе од 10 милиони луѓе во Конго во текот на 23- годишното владеењето со таа колонија.
Статуата на крал Леополд II во Белгија која е офарбана со боја и запалена во текот на протестите инспирирани од смртта на Афроамериканецот Џорџ Флојд е тргната денеска заради можна обнова.
Препорачано
Бројот на луѓе кои се залагаат за отстранување на неговите статуи во Белгија постојано се зголемува, јавува Ројтерс.
#Antwerp authorities have removed a statue of colonial Belgian King Leopold II after the weekend’s #BlackLivesMatter protest. The campaign to remove all of them continues. #DRC #KingLeopoldII #Belgium pic.twitter.com/7Io5uAfcMK
— Jack Parrock (@jackeparrock) June 9, 2020
Уште една статуа на кралот во паркот Музеј на Африка во Тервурен, недалеку од Брисел е пронајдена денеска испишана со графити.
Петициjaта против кралот Леополд II има повеќе од 64.000 потписници.
Во неа се наведува дека тој убил повеќе од 10 милиони луѓе во Конго во текот на 23- годишното владеењето со таа колонија.
Втората петиција, чии потписници сакаат да се задржат статуите на кралот Леополд II во Анверпен, во предградието Екерен инсистираат дека тој не бил крал на робовите, има 8.000 потписи.
Во неа се наведува дека Леополд II не може да се смета за одговорен за она што го правеле оние кои управувале со колонијата.
Оштетената статуа е отстранета за да се процени штетата и засега не е јасно дали ќе биде вратена.
