Немања Здравковиќ официјално и нов фудбалер на Пелистер, и тој веднаш ќе му се стави на располагање на тренерот Димитар Капинковски.

Веднаш по пристигањето во Битола, 32-годишниот дефанзивец Здравковиќ ги искажа и своите импресии за градот и клубот:

– За Пелистер слушнав од татко ми, бидејќи и тој е поранешен фудбалер. Знам дека станува збор за клуб со богата историја, а запознаен сум и со тоа дека имаат страстни навивачи, што за мене беше дополнителен мотив да дојдам.

Дел од градот веќе го запознав, а досега сум одлично прифатен од страна на соиграчите и стручниот штаб. Ќе се потрудам да дадам сè од себе и да ги оправдам очекувањата – се зборовите на Здравковиќ.

Во својата клупска кариера настапуваше за Дубочица, Металац, Добановци, Паневезис, Раднички 1923, Бачка, Пазова, Напредак, ФК Инџија, Копаоник, и У19 тимовите на Напредак и Раднички Ниш.