На 14 декември од 20 часот во спортската сала „Јане Сандански“ во Скопје ќе се одржи „Турбо рок фестивал“, најави „Авалон продукција“. На иста сцена ќе настапат Неле Карајлиќ, „Ју група“ и „Ван Гог“.

Една вечер и три имиња кои се избрани да бидат компатибилни и комплементарни во секој поглед, кои сепак ќе свират по 90 минутни, целовечерни концерти, на 14 декември во спортската сала „Јане Сандански“, со почеток точно во 20 часот. Лидерот на Новиот примитивизам и фронтменот на „Забрањено пушење“ и „Топ листа надреалиста“- Неле Карајлиќ во живо со својот бенд, „40 година откако је црк’о Маршал“, ќе го изведува најдоброто од „Забрањено пушење“, како и нов материјал кој македонската публика досега го нема слушнато во живо, велат од „Авалон“.

Од продукцијата додаваат дека „Ван Гог“, моментално еден од најголемите и најквалитетни „лајв“ бендови на регионалната музичка сцена се враќа во Скопје во големата сала по цели 5 години, со сите хитови кои ја одбележаа нивната 4 децениска кариера. И, за крај, по повеќе од 50 години, големиот бенд и бренд „Ју група“ конечно со свој концерт во Скопје. „Морнар“, која е сигурнo во топ 10 екс-ју хитови, „Чудна шум“, „Под златна јабука“, „Дунавом шибају ветрови“, „Нешто си ми уморна и бледа“, „Одлазим“, „Опасно, опасно те воли“, „Црни лептир“ се дел од 90 минутниот реперотар на класиците на „Ју група“ кои ќе бидат свирени на 14 декември во салата „Јане Сандански“.

Влезниците ќе бидат во продажба од среда (6 ноември) во 09 часот наутро онлајн на ticketx.mk и во продажната мрежа на ticketx во Македонија.

(Комерцијален текст)