Нејзиното височество сарма е зимска традиција, која кај нас е задолжителна за божиќните и новогодишните празници, но свитканото мелено месо во листови од кисела зелка не е поврзано само со Балканот и Турција, туку негови варијанти има насекаде низ светот.

Сармата е познато јадење, а добила и статус на лек. Имено сармата е добра за надуен стомак од прејадување и мамурлак. Всушност, ова е нејзиното единствено навистина „лековито“ својство – промовира апсорпција на премногу малигани (проценти на алкохол во виното), односно успешно го третира пијанството, пишува „24 сата“.

Ниту едно подгреано јадење не е толку добро како сарма од третиот или четвртиот ден, се разбира ако била чувана во фрижидер. Покрај тоа, освен што е првенствено зимско јадење, речиси е задолжително за време на божиќните и новогодишните празници.

И во турските и во германските ресторани или бистроа во сопственост на Турци ги има сите можни варијанти на сарма (патем, има и многу други јадења кои сведочат за поврзаноста на нашата и турската кујна). Месото завиткано во лисја од зелка, кељ или било кој друг зеленчук со поголеми листови го има насекаде низ Европа.

Покрај традицијата на сармата во регионот и балканските соседи со истите сарми како нашите, тука се и грчките, арапски и оние сарми на Кипар. И Германците, особено оние покрај Дунав, знаат за сармата, меѓу Евреите тоа е светиња. Месото го обвиткуваат и во зелка, лозови листови или кељ на северот на Европа, а имаат и варијанта во Индонезија и ја нарекуваат бунтил. Може да се каже дека сармата е планетарно јадење.

Рецепт за класична сарма

Подготовка: Сомелете половина килограм говедско и свинско месо. Додадете во месото ситно сечкан кромид со средна големина, пропржен на масло и 600 грама полуварен ориз. Се додаваат зачини, се посолува и убаво се меша. Завиткајте малку од смесата во секој лист кисела зелка. Не „преполнувајте“ бидејќи оризот ќе набабри. Кога ќе ви снема смеса, преостанатите листови исечете ги и наредете ги во тенџерето.

Пропржете малку сланина и кромид, па кога ќе поруменат, додадете малку исечкани листови зелка, покријте со малку ладна вода и кога ќе зоврие додадете уште топла вода за кога ќе ги прелиете сармите, едвај да излегуваат од течноста. Ако сакате, додадете малку црвен пипер, сладок и малку лут. Гответе сè заедно најмалку два часа и на ниска температура.