Иако можеби не одеше сè според планот, повиците од Европа се замолчени, а љубовта кон клубот од детството не недостасува – Нејмар останува во бразилскиот фудбалски клуб Сантос уште шест месеци. Бразилецот го продолжи договорот со клубот од детството во кој се врати по 12 години!

Некогаш фаворит да ги замени Роналдо и Меси на врвот на фудбалскиот свет, сега играч за кој секогаш ќе се прашуваме до каде ќе стигнеше ќе беше ако не беше попречен од повреди. Нејмар е еден од најдобрите играчи во оваа деценија, и сè уште не може да се каже дека ги оправда очекувањата. Единствениот фудбалер кој беше меѓу 10-те фаворити за освојување на Златната топка овој век додека играше за бразилски клуб, се врати на „местото на злосторството“ и ќе остане таму барем до крајот на календарската година.

Желбата на Нејмар е да ги исполни сите обврски од домашното првенство со Сантос пред да почне да разгледува понуди за враќање во Европа. Тој го напушти ПСЖ во 2023 година и се пресели во Ал Хилал, но поради повреди се појави само три пати во Саудиска Арабија.

Во Сантос, Бразилецот се чини дека ја вратил љубовта кон фудбалот, но сè уште се бори да остане во форма. Тој успеа да има повеќе настапи за шест месеци отколку за време на неговиот двегодишен мандат во Ал Хилал, но сепак тоа не е нивото на кое сме навикнати од него.

Нејмар има желба да му помогне на својот тим на Светското првенство следната година, а клучот за тоа ќе биде да игра добро и да избегне повреди. Следната фаза од неговата кариера ќе продолжи во Сантос – барем до Нова Година!