Двете опозициски партии во Косово, Демократската партија на Косово (ПДК) и Алијансата за иднината на Косово (ААК) ја отфрлија можноста за формирање каква било коалиција со движењето Самоопределување на Албин Курти, кое победи на парламентарните избори на 9 февруари.

Бедри Хамза, кој беше кандидат на ПДК за премиер, рече дека неговата партија нема да влезе во ниту една коалиција во која ќе биде и партијата на премиерот Курти.

„Има големи разлики меѓу нас“, ијави  Хамза.

Партијата Самоопределување сакаат апсолутна власт и немаат програма. За време на кампањата избегнуваа дебати, дури и на телевизија. Ги навредуваа политичките противници и граѓаните. Тие поттикнуваа омраза, додека ние промовираме единство и соработка“, додаде Хамза, чија партија е на второто место со 25 освоени пратенички места заклучно со 11 февруари.

По пребројувањето на повеќе од 95 отсто од гласовите, Косовската Централна изборна комисија објави дека Самоопределелување на актуелниот премиер Албин Курти  води со околу 40 отсто од гласовите, ПДК со околу 22 отсто, Демократската лига на Косово (ЛДК) со околу 17 отсто и ААК-Нисма со околу седум отсто.

Но, за да обезбеди мнозинство во Собранието, една партија треба да има најмалку 61 пратеник во Собранието, кое има вкупно 120 пратенички места.

Партијата на актелниот премиер Курти Самоопределување,  освои 47 пратенички места. Оваа бројка би можела да се зголеми по пребројувањето на гласовите на дијаспората во наредните денови.

Лидерот на ААК, Рамуш Харадинај, претходно ја отфрли можноста за коалиција со владеачката Самоопределување , наведувајќи дека повеќе сака да формира влада во коалиција со  опозициските партии.

„Би биле среќни да соработуваме со албанските опозициски политички субјекти за да формираме мнозинство, што е можно“, изјави  Харадинај, кој е кандидат на ААК за премиер, и чија партија досега освои осум пратенички места.

Чест ми е што ја поддржувам опозициската влада – под никакви околности со Самоопределување “, нагласи тој.

Лидерот на ЛДК, Лумир Абдиџику, на Фејсбук напиша дека неговата партија чека да заврши целосното пребројување на гласовите пред да ги  искаже своите политички ставови.

„Во оваа фаза продолжуваме со пребројувањето на преостанатите гласови, особено оние од дијаспората. По конечното пребројување, ЛДК ќе ги претстави своите политички позиции“, рече Абдижику, чија партија досега освои 20 пратенички места.

За време на изборната кампања, Абдиксику ја отфрли можноста за коалицирање со Курти.

Тој не го  коментираше повикот на Харадинај за формирање опозициска влада.

Аналитичарите се согласни дека прелиминарните резултати од парламентарните избори на Косово  создаваат неизвесност за новиот состав на косовското Собрание, како и за новата извршна власт.

Она што е единствено јасно е дека врз основа на овие резултати,  Самоопределување на Курти, иако победник на изборите, нема да може да владее самостојно како во претходниот мандат.

„Ако  Самоопределување  одлучи да формира влада само со малцински партии, таа ќе биде крајно нестабилна, бидејќи едвај ќе достигне 61 глас. Може да има проблеми и со Српска листа“, која освои 10 пратенички мандати , согласни се  аналитичарите.

Од друга страна и доколку опозициските партии ги здружат силите и се обидат да формираат влада, таа исто така ќе биде нестабилна и веројатно нема да опстане политички“, посочуваат, добрите познавачи на приликите.

Честите тензии на северот на Косово од 2022 година до овогодинешните избори ја позиционираа Српската листа, која врз основа на досегашните резултати освои 10 мандати, како ривалски кандидат на актуелната влада на Албин Курти.

Обраќајќи им се на приврзаниците на изборната ноќ, Курти, кој е премиер од 2021 година, рече дека неговата партија ќе владее во следните четири години, но не даде детали за тоа како и со кого ќе формира коалиција.

Курти досега владееше со пратеници од несрпското малцинство.

Доколку остане ваквата состојба не се исклучува и можноста косовските граѓани повторно да одат на избори.