Претседателот на СОНК, Јаким Неделков, смета дека платите во културата „бодат очи“ во јавноста, особено на Владата и на министрите.

„Можеби овие плати бодат очи во јавноста, особено на владите и на министрите, што тврдам дека не се превисоки така како што тврдат, можеби се реални“, изјави Неделков во гостување на „Click plus“ на ТВ21.

Сепак, како што вели, тие не се толку високи.

Неделков вели дека нема разбирање за фактот дека вработените во Министерството за култура останале без плати за време на најголемиот христијански празник Велигден.

„Не можам и немам разбирање, јасни беа ставовите. Не е во ред, навистина не е во ред. Убеден сум дека ќе се направат тие работни групи што поскоро, и овој проблем ќе се надмине“, вели Неделков.

Тој претходно изјави дека платите во деловите кои се на централно ниво се исплаќаат, додека пак во оние кои се под локално ниво, сè уште нема.

Министерство за култура: Исплатата на платите е во тек и ќе заврши денеска