И после рестрикцијата начинот на функционирање нема да е ист. Постои ризик од неочекуван пик. Кога се анализираат стручните публикации податоците процентите се земаат во предвид многу работи. Прво типот на списанието каде се објавува за да се сфати сериозноста на резултатите, изјави на денешната прес конференција министерот за здравство Венко Филипче.

– Има списанија кои многу вредат во светот на медицината каде што се примаат соодветно направени студии. Во светот практично има секакви публикации, но сериозните списанија со висок импакт фактор се со исклучителни сериони референци. Оваа болест тешко се третира, а пациентите покрај сите терапии за жал не даваат резултат.

Станува збор за вирус кој ги напаѓа сите органи и на крај тешко се постигнува резултат во лечењето. Целта на рестрикцијата е да дополнително се елминира можноста за гужви, за кои сметам дека има начин да се организираат со обезбедување на дистанца. Во овој момент не размислуваме на намалување на рестриктивните мерки, туку како би бил организиран животот по нивно укинување заради тоа што нема да може да се врати целосно во нормала.

Тим на Комисијата за заразни болести ќе работат со претставници на стопанските комори, бидејќи и после овие мерки сигурно нема да биде начинот на функционирање ист, бидејќи висок е ризикот да се јави неочекуван нагол пик на новозаразени кој сега успешно го амортизираме – рече Филипче.