donald tramp
Доналд Трамп/ EPA-EFE/JIM LO SCALZO / POOL

Не пуши цигари и не пие алкохол, ама сака брза храна – Трамп е во одлично здравје покажа лекарскиот преглед

Не пуши цигари и не пие алкохол, но не крие дека е љубител на брзата храна и газираните сокови – Доналд Трамп и покрај ова е во одлично физичко и когнитивно здравје. Претседателот на САД кој има 78 години го поминал лекарскиот преглед во Белата Куќа каде на 20 јануари го почна својот втор мандат.

Претседателот Трамп е во одлично когнитивно и физичко здравје и целосно е способен да служи како шеф на државата и врховен командант на вооружените сили, се заклучува во медицинскиот извештај.

Тој го помина лекарскиот преглед во воената болница Волтер Рид во близина на Вашингтон и уште во петокот после прегледот самиот кажа дека е во одлична форма.

Во деталниот извештај лекарот на претседателот Шон Барабела прецизира дека Трамп има 101 килограм, се консултирал со најмалку 14 специјалисти и поминал комплетен невролошки преглед. Трамп е во одлично здравје, со силна срцева, градна и невролошка функција, наведува неговиот лекар и додава дека е добро што претседателот е активен и игра голф, а за резултатите од контролата на крвта рече дека сите параметри се во границите на нормалата.

Трамп според неговиот лекар, пие лекови за контрола на холестеролот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот