Германското списание Око-Teст тестираше 20 производи достапни без рецепт. Резултатите открија јасни разлики и непријатни вистини за некои производители. Тестот вклучуваше 19 лекови и еден медицински производ кој делува физички, а не хемиски.

Сите производи ветуваат дека ќе ги ублажат болките во мускулите и зглобовите. Анализата, исто така, вклучуваше експертски преглед од професорот Манфред Шуберт-Жилавеч од Фармацевтскиот факултет на Универзитетот Гете во Франкфурт, кој ја процени ефикасноста на активните состојки врз основа на тековните научни студии, пренесува Феникс магазин. Добрата вест е дека пет производи беа оценети како „многу добри“. Овие гелови се ефикасни против болка, не содржат штетни супстанции и нивната ефикасност е научно докажана.

Примери за најдобри креми: Доц Ибупрофен Шмерцгелl 5%: докажано антиинфламаторно дејство, без проблематични адитиви. Tермакеар Шмерцгел: содржи Фелбинак, помалку позната, но ефикасна состојка. Пироксам AЛ Гел: најприфатливиот од најдобрите. Од друга страна, седум производи добија оценка „недоволно“, главно поради неосновани тврдења за ефикасноста и присуството на потенцијално опасни состојки. Ако барате ефикасен крем против болки, не им верувајте само на рекламите. Око-Teст покажува дека некои од најскапите опции се исто така и најслаби, додека поевтините производи можат да обезбедат вистинско олеснување – без штетни состојки.